ՆԱՏՕ-ի Գլխավոր քարտուղար Անդերս Ֆոգ Ռասմուսենը հայտարարել է, որ ճիշտ չի համարում Սիրիայի ընդդիմադիր ուժերին զենք մատակարարելը: Նա հույս է հայտնել, որ Սիրիայում կհաջողվի իրադրությունը կարգավորել ՄԱԿ-ի հատուկ ներկայացուցիչ Քոֆի Անանի առաջարկների հիման վրա:
«Ես կարծում եմ, որ որեւէ խմբավորմանը զենք մատակարարելը ճիշտ չէ»,-ասել նա լրագրողներին, այսօր` ապրիլի 2-ին, Բրյուսելում` նշելով, որ դա կարող է վտանգ ստեղծել տարածաշրջանում զենքի տարածման առումով, հաղորդում է «Ազիատսկիյ ռեպորպյոր»-ը:
