Մոսկվայի Տվերի դատարանը վարույթ է ընդունել հայցադիմում, ըստ որի պահանջվում է իննամյա երեխայից բռնագանձել 561 հազար ռուբլի` մահացած մոր պարտքերի դիմաց:
Ինչպես փոխանցում է TOPnews.ru-ն` վկայակոչելով դատարանի մամուլի քարտուղարին, հայցվորն իրավաբան է, ոմն Ի. Ա. Պանիկորովսկի, որը պահանջում է անչափահասից բռնագանձել գումարը` պատասխանողի մահացած մորից վերցված ստացականի հիման վրա:
Պատասխանող է հանդես գալիս երեխան, ով մորից ժառանգել է նաեւ նրա պարտքերը: «Նման ձեւով դատարան դիմելու մեջ ոչ մի անօրինական բան չկա»,-ասել է դատարանի մամուլի քարտուղարը: