նախընտրելի դարձնելՄարտի 4-ին Կոնգոյի Դեմոկրատական Հանրապետությունում վթարի ենթարկված ինքնաթիռի օդաչուն ռուս է եղել:
Գոմայում գտնվող ռուսական դեսպանատան աշխատակցից Life News-ի թղթակցի ստացած նախնական տեղեկության համաձայն` ավիավթարում զոհվածների շարքում եղել են Ռուսաստանի երկու քաղաքացիներ, որոնցից մեկն էլ` վթարի ենթարկված ինքնաթիռի օդաչուն:
Հիշեցնենք, որ մասնավոր ավիաընկերության ինքնաթիռը վթարի էր ենթարկվել ԿԴՀ-ի արեւելքում` Գոմա քաղաքում: Փրկվել էր չորս մարդ, զոհվել` 36-ը:
Վթարը տեղի էր ունեցել Հյուսիսային Կիվու նահանգի վարչական Գոմա քաղաքի կենտրոնում: Եղանակային անբարենպաստ պայմանների պատճառով ինքնաթիռն ընկել էր բնակելի թաղամասում: Օդաչուին հաջողվել էր խուսափել տների հետ բախումից:
«Մոսկովսկի կոմսոմոլեցը» նշում է, որ տեղական բոլոր ավիաընկերություններն ընդգրկված են ԵՄ-ի «սեւ ցուցակում»: Նրանք շահագործում են մաշված ինքնաթիռներ, որոնց արգելվել է թռչել ԵՄ-ի օդային տարածքով:
