ՆախընտրելիՀայաստանի Հանրապետական կուսակցության պատգամավոր Սուքիաս Ավետիսյանը կոչ է արել զերծ մնալ Կոտայքի մարզի Պռոշյան գյուղի գյուղապետ Հրաչ Մուրադյանի սպանության քաղաքական գնահատականներից: Այդ մասին նա հայտարարել է այսօր` ապրիլի 5-ի մամուլի ասուլիսում:
Ցավակցելով Մուրադյանի ընտանիքին` պատգամավորն ընդգծել է, որ «դեռ ոչինչ բացահայտված չէ»: Հանրապետական պատգամավորը հիշեցրել է, որ այս պահին գործով ձերբակալված են հովիվ եղբայրները: «Այնուամենայնիվ, ոչ ոք թող իրեն իրավունք չվերապահի անմիջապես քաղաքական գնահատական տալ», - նշել է Ավետիսյանը:
«Մենք հասկանում ենք, որ նման անձինք գործադրում են բոլոր ջանքերը քաղաքականության մեջ մնալու համար, որոշ կուսակցություններ փորձում են ի ցույց դնել իրենց վարքը քաղաքական ճամբարում` «դիակների պայմաններում»: Սակայն դա անընդունելի է», - եզրակացրել է պատգամավորը:
