2016-ին հունվարի 1-ից Ուկրաինան երկու տարի ժամկետով ՄԱԿ-ի Անվտանգության խորհրդի ժամանակավոր անդամ կդառնա։   Համապատասխան որոշումն ընդունվել է հոկտեմբերի 15-ին ՄԱԿ-ի Գլխավոր Ասամբլեայի քվեարկության ընթացքում։ 

2016-2017-ին ՄԱԿ-ի Անվտանգության խորհրդին Ուկրաինայի անդամության օգտին «կողմ» է քվեարկել 177 երկիր, 14-ը ձեռնպահ են մնացել, տեղեկացնում է «ՌԻԱ Նովոստին»։

Ուկրաինան Արեւելյան Եվրոպայի պետությունների խմբում միակ թեկնածուն էր։ 

Քվեարկության մասնակցել է համաշխարհային կազմակերպության  անդամ 193 երկիր։ ՄԱԿ-ի կանոնադրության համաձայն, կատարվում է փակ եւ գաղտնի քվեարկություն։