նախընտրելի դարձնել
Միացյալ Ազգերի Կազմակերպությունը փետրվարի 11-ը Գիտության մեջ աղջիկների եւ կանանց օր է հայտարարել, տեղեկացնում է կազմակերպության կայքը:
Հայտարարության տեքստում ասված է, որ որոշումը կայացվել է «գիտությունը կանանց եւ աղջիկների համար լիովին հասանելի դարձնելու, ինչպես նաեւ գենդերային հավասարության եւ կանանց ու աղջիկների իրավունքների եւ հնարավորությունների ապահովման» նպատակով, տեղեկացնում է Gazeta-ն:
ՄԱԿ-ը տեղեկացնում է, որ աշխարհի 14 երկրում իրականացված հարցման համաձայն, բնական գիտությունների ոլորտում աղջկա՝ բակալավրի, մագիստրոսի կամ գիտության դոկտորի աստիճան ստանալու հավանականությունը համապատասխանաբար 18, 8 եւ 2 տոկոս է: Տղամարդկանց համար այդ ցուցանիշներն են 37, 18 եւ 6 տոկոս:
