Օդեսայի քաղխորհրդի պատգամավոր Դմիտրի Պալպանինը նիստերի դահլիճից դուրս է բերել Օդեսայի մարզի փոխնահանգապետի պաշտոնակատար Ալեքսանդր Բորովիկին, հայտնում է «Թայմեր» պարբերականը: 

Պարբերականի տվյալների համաձայն, Բորովիկը քաղխորհրդի նիստին իր ելույթը սկսել է քաղաքային իշխանությունների հասցեին մեղադրանքներով:  «Ես առիթ եմ ունեցել ապրելու աշխարհի շատ քաղաքներում եւ կասեմ, որ Օդեսան ամենավատ քաղաքն է, որտեղ երբեւէ ապրել եմ», — հայտնել է Բորովիկը: Նա հավելել է, որ գործող քաղաքային իշխանությունը կոռումպացված է եւ անօրինական, որովհետեւ  2015-ին տեղի ունեցած տեղական ընտրությունների արդյունքները կեղծվել են: Բորովիկն ամբիոնին է մոտեցել` խախտելով կանոնակարգը, նախապես չգրանցվելով: 

Օդեսայի մարզի ղեկավար Միխայիլ Սաակաշվիլիի տեղակալի խոսքերն օդեսացի խորհրդարանականներն ընդունել են հանդիմանական աղմուկով, հետո պատգամավոր Պալպատինը սպիտակ ծաղիկների փնջով մոտեցել է ամբիոնին, գոտկատեղից գրկել է Բորովիկին եւ դուրս է բերել  նիստերի դահլիճից: Սպասասրահում Բորովիկը խոստացել է ոստիկանությանը բողոքել իր նկատմամբ ֆիզիկական