նախընտրելի դարձնելՌուսաստանի արտաքին գործերի նախարար Սերգեյ Լավրովը նոյեմբերի 20-21-ը՝ Երեւանում պաշտոնական այցի ժամանակ, իր հայ գործընկեր Էդվարդ Նալբանդյանի եւ նախագահ Սերժ Սարգսյանի հետ Լեռնային Ղարաբաղի հակամարտության կարգավորման հեռանկարները կքննարկի, հաղորդում է ՌԴ ԱԳՆ մամուլի ծառայությունը:
Նախատեսված է բանակցություններ վարել Հայաստանի արտգործնախարար Էդվարդ Նալբանդյանի հետ, հանդիպում ունենալ Հայաստանի նախագահ Սերժ Սարգսյանի հետ:
«Երկկողմ բանակցությունների օրակարգում ընդգրկված է երկկողմ համագործակցության հարցերի լայն շրջանակ՝ արտաքին քաղաքականության փոխգործակցությունը` ԵՏՄ, ՀԱՊԿ եւ ԱՊՀ հարցերով, ՄԱԿ, ԵԱՀԿ, Եվրախորհրդի, ՍՏՀԿ եւ այլ միջազգային համաժողովների շրջանակներում դիրքորոշումների համակարգումը:
Արտաքին գործերի նախարարները կքննարկեն տարածաշրջանային անվտանգության խնդիրները, այդ թվում`Լեռնային Ղարաբաղի հակամարտության կարգավորման հեռանկարները», - ասվում է Ռուսաստանի ԱԳՆ հայտարարության մեջ:
