նախընտրելի դարձնելՄԱԿ-ի Գլխավոր ասամբլեան (ԳԱ) ընդունել է կազմակերպության բյուջեն: Առաջիկա երկու տարիներին այն կկազմի 5.395 մլրդ դոլար, հաղորդում է Коммерсант.ru-ն։
Միեւնույն ժամանակ, սկզբնապես կազմակերպության գլխավոր քարտուղար Անտոնիո Գուտերեշը 2017 եւ 2018 թվականներին դիմել էր ավելի քան 5.4 մլրդ դոլարի համար: Բյուջեի շուրջ նախնական քննարկումներ են անցկացվել ՄԱԿ-ի վարչական եւ բյուջետային հարցերով հանձնաժողովում:
ՄԱԿ-ի բյուջեն ձեւավորվում է կազմակերպության անդամ 193 պետությունների վճարների հաշվին: Այս վճարների չափը կախված է երկրի վճարունակության մակարդակից եւ հաշվարկվում է երկրի ՀՆԱ-ի եւ մեկ շնչին բաժին ընկնող եկամուտների հիման վրա: Մեկ երկրի վճարը չպետք է գերազանցի ընդհանուր բյուջեի 22 տոկոսը:
Ամենախոշոր վճարը կատարում է ԱՄՆ-ն՝ 22 տոկոս: Մյուս առաջատարներից են նաեւ Ճապոնիան (9.6 տոոկոս), Չինաստանը (7.9 տոոկոս), իսկ Ռուսաստանը մոտ 3 տոոկոս:
ԱՄՆ-ում Դոնալդ Թրամփի իշխանության գալուց հետո երկիրը պնդում է ՄԱԿ-ի բարեփոխումների շուրջ: Թրամփը սա հիմնավորում է նրանով, որ կազմակերպությունը ամեն տարի ավելի շատ գումար է ծախսում, բայց ավելի քիչ արդյունավետություն ապահովում։
2017 թվականին ԱՄՆ-ն հասել է ՄԱԿ-ի խաղաղապահ գործողությունների վրա ծախսվող գումարների կրճատմանը:
