նախընտրելի դարձնելՄեծ Բրիտանիայի արտաքին գործերի նախարարությունը որեւէ հակասություն չի տեսնում գերատեսչության ղեկավար Բորիս Ջոնսոնի հայտարարությունների միջեւ այն մասին, որ Գլխավոր հետախուզական վարչության նախկին գնդապետ Սերգեյ Սկրիպալի թունավորման հետեւում, ամենայն հավանականությամբ, կանգնած է Ռուսաստանը եւ այն փաստի, որ «Պորտոն Դաուն» լաբորատորիայի բրիտանացի քիմիկոսները չեն հաստատել թունավոր նյութի ռուսական ծագումը: Նշվում է բրիտանական ԱԳՆ-ից ստացված պատասխանում, փոխանցում է DW-ն:
«Բրիտանիայի ԱԳՆ ղեկավարը պարզ հասկացրել է, որ «Պորտոն Դաուն»-ում վստահ են, որ օգտագործվել է «Նովիչոկ» կոչվող նյութը, եւ նրանք հաստատել են դա: Նույն հարցազրույցում նա նաեւ բացատրում է, թե ինչու ենք մենք, հիմնվելով այս տեղեկատվության, լրացուցիչ հետախուզական տեղեկությունների եւ Ռուսաստանի կողմից այլընտրանքային բացատրությունների բացակայության վրա, նման հետեւություն արել, - DW-ի հարցմանն ի պատասխան հայտնել է ԱԳՆ-ն, - Այն, ինչ ասել է նախարարը եւ այն ինչ վերջերս հայտարարել էր «Պորտ Դաունը», ամբողջությամբ համապատասխանում է նրան, ինչի մասին մենք խոսում ենք ամենասկզբից: Այդ Ռուսաստանն է իրադարձությունների բազմաթիվ վարկածներ առաջ քաշում եւ շղարշում ճշմարտությունը»:
