«Արմենիա Մարիոթ» հյուրանոցում շարունակվում է մասոնների համաժողովը, որի կազմակերպման աշխատանքներին, ըստ «Երկիրի» ունեցած տեղեկությունների, իր մասնակցությունն է ունեցել Հայաստանի բարձրաստիճան պաշտոնյաներից մեկը, ով, ի դեպ, նաեւ Հայաստանում գործող բուհերից մեկի հոգաբարձուների խորհրդի նախագահն է։ «Ի դեպ՝ մասոնները հիմնականում ֆրանկոֆոններ են՝ Եվրոպայից։ Թեեւ մասոնական ժողովի մանրամասները գաղտնի են պահվում, այնուհանդերձ, Հայաստանի տարբեր ղեկավար ատյաններում նրանց համար «կանաչ լույս» ապահովողը հենց այս պաշտոնյան է։ Մեր տեղեկություններով, Երեւանում գտնվող մասոնների ցանկությունները բավարարելու գործին է աջակցում նաեւ Եվրոպական տարածաշրջանային ակադեմիայից Գրիգոր անունով մի դասախոս»,-նկատում է թերթը։