նախընտրելի դարձնելՄիլիարդատեր Իլոն Մասկը ելույթ է ունեցել երդմնակալությունից հետո Դոնալդ Թրամփի նախագահական շքերթի ժամանակ։
«Մենք կունենանք ապահով քաղաքներ, վերջապես՝ ապահով սահմաններ, ողջամիտ ծախսեր։ Եվ մենք DOGE-ին կուղարկենք Մարս,- ասել է նա իր ելույթի ժամանակ՝ նշելով, որ «այսպես է զգացվում հաղթանակը»։
Մասկը նաեւ ասել է, որ ամերիկացի տիեզերագնացները շուտով կկարողանան դրոշ տեղադրել այլ մոլորակի վրա։
Ելույթի վերջում միլիարդատերն ընդգծել է, որ պատրաստ է աշխատել երկրի բարօրության համար։ Նա աջ ձեռքը դրել է սրտին, այնուհետեւ բարձրացրել այն ժեստով, որը դիտորդներն ու սոցիալական ցանցերի օգտատերերը համարել են որպես այսպես կոչված նացիստական ողջույն: Մասկի կողմնակիցները նշել են, որ դա զգացմունքային ողջույն էր։
Ամերիկյան հակազրպարտային լիգան՝ քաղաքացիական իրավունքների կազմակերպություն, որը նվիրված է հակասեմիտիզմի դեմ պայքարին, իր հայտարարությունում Մասկի ժեստերն անվանել է «անհարմար», սակայն ասել է, որ դրանք նացիստական ողջույն չի համարում:
