Նախընտրելի
ԱՄՆ նախագահ Դոնալդ Թրամփը կրկին հայտարարել է, որ Ուկրաինայի ճգնաժամը տեղի չէր ունենա, եթե չլիներ իր նախորդների՝ Բարաք Օբամայի և Ջո Բայդենի քաղաքականությունը։
«Եթե լիներ պարզապես մի պարկեշտ նախագահ, ոչ թե ինձ պես մեծ նախագահ, այլ պարկեշտ նախագահ, Ռուսաստանի և Ուկրաինայի միջև հակամարտություն չէր լինի։ Եվ ես կասեի, որ դա Բայդենի և Օբամայի վատ քաղաքականության հետևանք է», - Մերձավոր Արևելք թռիչքի ժամանակ իր ինքնաթիռում լրագրողներին ասել է Թրամփը։
Թրամփը պարբերաբար հայտարարում է, որ Ուկրաինայում կոնֆլիկտը չէր լինի, եթե ԱՄՆ-ի 2020 թվականի նախագահական ընտրություններում հաղթեր ինքը, այլ ոչ թե Բայդենը։ Ավելին, Թրամփը հաճախակի է ափսոսանք հայտնում, որ Ուկրաինայի ճգնաժամը ժառանգել է նախորդ դեմոկրատական վարչակազմից և որ ինքը պարզապես ջանքեր է գործադրում հակամարտությունը լուծելու համար:
