նախընտրելի դարձնել27-ամյա Լիանան, որը միայնակ մայր է եւ ունի 5 մանկահասակ երեխաներ, երբեք բնակարանում չի ապրել: «Շիրակ կենտրոնի» փոխանցմամբ, ինչպես իր բոլոր 5 երեխաները, այնպես էլ ինքը ծնվել եւ մեծացել է նախկինում «Լենտեքստիլ» կոմբինատին պատկանող հանրակացարանում, որը երկրաշարժի հետեւանքով դարձավ վթարային , իսկ հետագա տարիներին կիսով չափ փլվեց, սակայն մինչեւ օրս տասնյակ ընտանիքներ շարունակում են այնտեղ բնակվել:
Այդ հանրակացարանը գտնվում է Գյումրու կենտրոնական մասում, Շիրակի մարզպետարանի եւ քաղաքային ոստիկանության հարեւանությամբ ու ներկայումս մասնավոր անձի սեփականություն է: Այդ կիսախարխուլ քառահարկում մինչեւ օրս բնակվող մոտ 20 ընտանիքներից գրեթե կեսը նախկին ԽՍՍՀՄ-ի հանրապետություններից եկած, տարբեր ազգությունների պատկանող մարդիկ են: Նրանց գերակշիռ մասը պետության կողմից բնակարան ստանալու հավակնորդներ չեն:
Կիսափուլ այդ շենքում չկա կոմունալ որեւէ հարմարություն, անգամ ջուր եւ կոյուղի: Բնակիչների համար որպես զուգարան ծառայում է նույն շենքի փլված հատվածը: Կառույցում անգամ աստիճաններն են քանդված, եւ մի անզգույշ շարժումը կարող է ճակատագրական դառնալ:
