նախընտրելի դարձնելԲրազիլիայում 64-ամյա կինը հրաշքով ողջ է մնացել` բարձր արագությամբ ընթացող եւ կառավարումը կորցրած տաքսու հարվածից 9մ հեռու շպրտվելուց հետո:
Տեսագրությունում երևում է, որ Միրտես դը Օլիվերիա Պոդեստան պատրաստվում է անցնել փողոցը, երբ տաքսու վարորդը հարվածում է մեկ այլ մեքենայի, կորցնում կառավարումը, թեքվում, դուրս գալիս երթևեկելի գոտուց և հարվածում փողոցը հատող կնոջը:
Daily Mail-ը տեղեկացնում է, որ տաքսու վարորդը եղել է կիսաքնած վիճակում, քանի որ առանց քնելու 24 ժամ աշխատել էր:
Հարվածից Միրտես դը Օլիվերիան միայն ձեռքի և ոտքի կոտրվածքներ է ստացել:
22-ամյա տաքսու վարորդը պատմել է, որ ինքը 2 ամիս առաջ է սկսել մեքենա վարել: Վթարի հետևանքով նա ձեռքի չնչին վնասվածքներ է ստացել։
Վթարի ենթարկված մյուս մեքենայի մեջ եղել է 3 ուղևոր` 70-ամյա պապիկը, որը թոռնիկներին տանում էր դպրոց: Նրանք նույնպես չնչին վնասվածքներ են ստացել:
