Համացանցում տեսագրություն է տարածվել, որում երևում է՝ ինչպես են ԱՄՆ-ի տարբեր վաճառասրահներում հաճախորդները կռվում Air Jordan 11 Gamma Blue մարզական կոշիկը ձեռք բերելու համար:

Daily Maily-ը տեղեկացնում է, որ ամեն տարի Nike ընկերությունը Air Jordan սահմանափակ քանակությամբ մարզական կոշիկների նոր տեսականի է թողարկում ու հանում վաճառքի, և ամեն տարի Air Jordan-ի երկրպագուները նոր տեսականու համար ծեծում են իրար, կողոպտում, անկարգություններ անում: Նախկինում նույնիսկ մահվան դեպքեր են գրանցվել:

Տեսախցիկը ֆիքսել է` ինչպես են մարզական կոշիկի երկրպագուները ժամերով հերթ կանգնում խանութների դիմաց, ծեծում իրար խանութի սրահում, իսկ խանութից դուրս հերթի մեջ սպասողները թույլ չեն տալիս խանութը փակել: Մինչ մյուսները պայքարում են ցանկալի կոշիկի համար, մի տղա համբուրվում է իր գնած նոր կոշիկի հետ։