Նոյեմբերի 10-ին ողբերգություն է տեղի ունեցել Շիրակի մարզում: NEWS.am-ի թղթակիցը հաղորդում է, որ Գյումրի –Երեւան երթուղին սպասարկող միկրոավտոբուսը Հոռոմ-Գուսանագյուղ գյուղերի խաչմերուկում բախվել է բեռնատարի, ինչից հետո հրդեհ է բռնկվել։ Հրդեհի հետեւանքով 7 մարդ տեղում մահացել է, յոթը մարմնական տարբեր աստիճանի այրվածքներով տեղափոխվել են Գյումրու բժշկական կենտրոն: Ավտոբուսում դեպքի պահին եղել է 14 մարդ։

Մահացածների ինքնությունը դեռ հայտնի չէ։ Հիվանդանոց տեղափոխված վիրավորների մեջ կա 14-ամյա տղա, որի վիճակը ծանր է, մյուսների վիճակը գնահատվում է միջին ծանրության։ Այս մասին NEWS.am-ին փոխանցեցին Գյումրու բժշկական կենտրոնից։

Դեպքի վայրում  աշխատում են  ԱԻՆ Շիրակի մարզի փրկարարական ծառայության հրշեջ-փրկարարական ջոկատն ու ՃՈ աշխատակիցները, որոնք փորձում են հանգցնել կրակը։ Ինչից է բռնկվել հրդեհը, առայժմ պարզ չէ։

Լուսանկարները՝ asparez.am-ի