Նախընտրելի«Ջահերով վերելք Արարատ լեռան գագաթ» նախագծի անդամները hուլիսի 26-ին բարձրացել են Արարատ լեռան գագաթը, պարել յարխուշտա, ծածանել 100 մետր երկարությամբ եռագույն դրոշը: Այս մասին NEWS.am-ի հետ զրուցում ասաց նախաձեռնության մասնակից, «Կարին» ազգագրական երգի-պարի համույթի գեղարվեստական ղեկավար Գագիկ Գինոսյանը` նշելով, որ վերելքը նվիրված էր Հայոց ցեղասպանության 100-ամյա տարելիցին:
«Վերելքը սկսել ենք հուլիսի 26-ին և հուլիսի 29-ի լուսաբացին արդեն Արարատ լեռան գագաթին ենք եղել: Հաջորդ օրը գնացինք Վանի ամրոց եւ Աղթամար կղզի, վերադարձին այցելեցինք նաեւ Կարս եւ Անի»,- ասաց Գագիկ Գինոսյանը:
Գագիկ Գինոսյանը նշեց, որ նախաձեռնության կազմակերպիչները ամուսիններ Հովհաննես Մարտիրոսյանին ու Անուշիկ Սիմոնյանն էին, իրենց համույթին էլ հրավիրել էին մասնակցելու:
Վերելքի մասնակիցները ամբողջ ընթացքում հայրենասիրական երգեր եւ պարեր են կատարել:
«Հենց Արարատի գագաթին էլ պարեցինք քոչարի, յարխուշտա, նաեւ հայրենասիրական երգեր ենք երգել վերելքի ժամանակ, այդ կերպ միմյանց ոգեւորել»,-ասաց Գագիկ Գինոսյանը: Նախաձեռնությանը մասնակցել է 30 մարդ:
