նախընտրելի դարձնելՀՀ պաշտպանության նախարարի խորհրդական Արմեն Սարգսյանը, որը «Ելք» դաշինքի մաս կազմող «Հանրապետություն» կուսակցության ղեկավար Արամ Սարգսյանի եղբայրն է, չի պատրաստվում աշխատանքից դուրս գալ եւ քաղաքական գործընթացների մասնակցել (ֆոտոռեպորտաժ)։
Այսօր՝ հունվարի 28-ին, «Եռաբլուր» զինվորական պանթեոնում, NEWS.am–ի հետ զրույցում նա նշեց, որ եղբոր հետ քաղաքական թեմաներով քննարկումներ չեն ունեցել։ Ավելին՝ կարծում է, որ քաղաքականությունը եւ եղբայրությունը չպետք է խառնել։
«Մենք մեծ մարդիկ եք եւ ինքներս ենք որոշում մեր անելիքները։ Ես 53 տարեկան մարդ եմ եւ չեմ կարծում, որ ինչ–որ մեկի ասածով պետք է շարժվեմ»,– ասաց Արմեն Սարգսյանը։
Նշենք, որ Արմեն Սարգսյանի եղբայր Արամ Սարգսյանը «Հանրապետություն» կուսակցությունով միացել է «Ելք» դաշինքին եւ մասնակցելու է խորհրդարանական ընտրություններին։ Նա հայտարարում է, որ ընդդիմադիր ճամբարում են գործելու։
