նախընտրելի դարձնելԷջմիածնի հիվանդանոցից փետրվարի 1-ին, ոստիկանության Վաղարշապատի բաժնում ահազանգ է ստացվել, որ իրենց մոտ է տեղափոխվել Էջմիածնի Սպանդարյան փողոցի բնակիչ 30-ամյա Ալբերտ Գիրգորյանի դին:
Իրավապահները պարզել են, որ շտապօգնության բրիգադը Գրիգորյանին Շահումյան գյուղում բնակվող ընկերոջ՝ Ժիրայր Ս.-ի բնակարանից է տեղափոխել:
Հետագայում պարզվել է, որ Ալբերտ Գրիգորյանը բենզինային լուծույթով թմրանյութ է օգտագործել Ժիրայր Ս.-ի հետ: Վերջինիս ոստիկանները գտել են թմրանյութի ազդեցության տակ:
Թմրանյութի ազդեցության տակ գտվող Ժիրայրը նույնպես տեղափոխվել է հիվանդանոց: Իրավապահները բնակարանում հայտնաբերել են 7 ներարկիչ, նույնքան լուցկու տուփ, դիմեդրոլի 5 հաբ, 20 դեղին դեղահաբ, բենզինանման հեղուկով պլաստմասե տարաներ:
Քննությունը շարունակվում է:
