նախընտրելի դարձնել14 երիտասարդ ուսանող «Իմ քայլը» հիմնադրամի շնորհիվ իրենց կրթությունը շարունակելու են հայրենիքի սահմաններից դուրս։
«Իմ քայլը» հիմնադրամն՝ այսօր սեպտեմբերի 8-ին 2020-2021թթ․-ի ուսումնական տարվա կրթաթոշակային հավաստագրեր հանձնեց աշխարհի առաջատար համալսարաններ ընդունված երիտասարդ ուսանողներին։
Օշականի մշակույթի պալատում տեղի ունեցած հավաստագրերի հանձնման արարողությանը ներկա էր ՀՀ վարչապետի տիկին, «Իմ քայլը» և Ժպիտների քաղաք» բարեգործական հիմնադրամների հոգաբարձուների խորհրդի նախագահ Աննա Հակոբյանը, «Իմ քայլը» հիմնադրամի գործադիր տնօրեն Հովհաննես Ղազարյանը, ԱԺ «Իմ քայլը» խմբակցության պատգամավոր Վահագն Թևոսյանը։ Նախատեսվում էր, որ միջոցառմանը մասնակցելու է նաև Կրթության, գիտության, մշակույթի և սպորտի նախարար Արայիկ Հարությունյանը, սակայն վերջինս չէր ներկայացել միջոցառմանը։ Նրա անունից ընթերցվեց շնորհավորանքի խոսք։
Քրիստինա Հակոբյանը, որը համաճարակաբանություն է ուսումնասիրելու Լոնդոնի համալսարանի մագիստրատուրայում անկեղծանում է՝ ճանապարհը, որը բերել է այսօրվան՝ հեշտ չի տրվել։ Առաջատար համալսարաններում սովորելու մասին երազանքը իրականություն դարձնելու համար դժվար ճանապարհ են անցել, անքուն գիշերներ ունեցել, բայց հիմա ուրախությամբ է արձանագրում, որ իրենց հաջողվել է երազանքն իրականություն դարձնել։
«Ճանապարհը դեպի երազած բուհ բաց է, և մենք արդեն մեր ճանապարհի վրա ենք, բայց ո՞ւր ենք գնում, ինչի՞ համար։ Իհարկե, գնում ենք կրթության և գիտելիքի ետևից, բայց ի՞նչ է գիտելիքը, եթե այն չի վերածվում գործի կամ գործունեության, ի՞նչ է գործունեությունը, եթե այն չի վերածվում արդյունքի։ Մենք գնում ենք այս շղթայի սկիզբը դնելու, նրանով անցնելու, և արդյունք ստեղծելու համար։ Մենք գնում ենք մեր մոտիվացիոն նամակներում անկեղծորեն շարադրած երազանքները իրականացնելու, մեզ համար երաշխավոր դարձած մեր ավագ գործընկերների, ղեկավարների, դասախոսների վստահությունը արդարացնելու, մեծ ուժ տվող սիրելիների սպասելիքերը արդարացնելու և վերջապես մեր հասարակության, պետության, պետականության զարգացմանը նապստելու համար, մենք գնում ենք, որ հետո փոփոխություն բերենք»,- իր ելույթում նշեց Քրիստինան, ապա երախտիքի խոսքեր ուղղեց «Իմ քայլը» հիմնադրամին՝ ընձեռված հնարավորության համար։
«Բոլորիս անունից շնորհակալություն եմ հայտնում «Իմ քայլը» հիմնադրամին՝ նպատակային, ճկուն և համապարփակ մոտեցումներով աշխարհի լավագույն կրթությունը մեզ՝ հասանալի դարձնելու համար։ Շնորհակալ եմ հիմնադրամի նվիրված և ուժեղ թիմին այս ամբողջ ընթացքում մեր կողքին լինելու, համագործակցության և աջակցության համար»։
Մանրամասները՝ տեսանյութում։
