նախընտրելի դարձնելԵրևանի Եզ. Կողբացու 67 հասցեում գործող Vol.1 սրճարան-ռեստորանի հիմնադիր Վահե Մելիքյանի նախաձեռնությամբ օրերս Vol.1 սրճարան-ռեստորան էին հյուրընկալվել Գավառի մանկատան 13-18 տարեկան 40 սաներ։
Հրավերի նպատակն էր մանկատան երեխաներին ծանոթացնել սրճարան-ռեստորանային ոլորտի գործունեությանը, ռեստորանային էթիկետին, սպասարկման ոլորտի գաղտնիքներին, սեղանի սպասքադրմանը, անձնակազմի աշխատանքին, որը նրանք միգուցե և հետագայում ընտրեն որպես մասնագիտություն և աշխատեն այս ոլորտում։
Երեխաներին ներկայացվեցին ուտեստների մատուցման կանոնները, թե ինչպե՞ս շփվել անձնակազմի հետ և իրենց դրսևորել ռեստորանում։
Որպես բարձրորակ սուրճի մատուցման մասնագիտացված սրճարան-ռեստորան, երեխաներին ներկայացվեց ի՞նչ է սուրճը, սուրճի պատմությունը, սուրճի պատրաստման նոր տեխնոլոգիաները, որոնք նորություն են Հայաստանում, սակայն լայն տարածում են գտել արտասահմանում։ Երեխաները ակտիվ մասնակցություն ունեցան սուրճի բովման, փաթեթավորման և պատրաստման պրոցեսին։
Vol.1 ռեստորանի ողջ անձնակազմը՝ անմոռանալի և հիշարժան պահեր պարգևեց իրենց հյուրընկալած երեխաներին և մանկավարժներին։ Նրանց համար կազմակերպվել էր նաև ռեստորանի ուտեստների համեղ հյուրասիրություն։
Երեխաները հետաքրքիր և հաճելի ժամանակ անցկացրեցին Vol.1 սրճարան-ռեստորանում, ինչը երկար կմնա նրանց հուշերում:
