ՉորեքշաբթիՍեպտեմբեր 03
  • USD 411.29
  • EUR 539.28
  • RUB 11

Կրկեսի գմբեթը բարեհաջող պայթեցվեց (ֆոտոռեպորտաժ)

17:37, 21.07.2012 Տարածաշրջան: Հայաստան Թեմա: Հասարակություն



Երեւանի Ագաթանգեղոս 1 հասցեում գտնվող «Երեւանյան կրկեսի» շենքի գմբեթն այսօր` հուլիսի 21-ին, ժամը 16.30-ի սահմաններում պայթեցվել է (ֆոտոռեպորտաժ):Պայթեցումն  անցել է ծրագրվածի պես, առանց որեւէ միջադեպերի: Պայթեցումից մի քանի ժամ առաջ դադարեցվել է հարակից փողոցներում երթեւեկությունը, մարդկանց շարժը: Տարածքը «մաքրելուց» եհտո Արտակարգ իրավիճակների պայթեցման խումբը անցել է գործի: 

Քանի որ շենքի գմբեթը գտնվում է վթարային վիճակում, եւ մասնակի ապամոնտաժումը վտանգավոր է աշխատակիցների համար, ուստի նախապատվություն է տրվել պայթեցման եղանակին։ Արտակարգ իրավիճակների նախարարության փրկարար ծառայության  Երեւան քաղաքի փրկարարական վարչության պետ, գնդապետ Մուշեղ Ղազարյանը տեղում լրագրողների հետ զրույցում ասաց, որ ամեն ինչ ավարտվեց նորմալ: «Կրկեսի գմբեթն հանգիստ, առանց վնասի, կողքի պատերը քանդելու, իջավ ներքեւ, կողքի պատերը պետք են նոր կրկես կառուցելու համար»,- նշեց նա: Իսկ թե ինչու ուշացավ ապամոնտաժումը, ապա նա ասաց, որ պարտավոր էին եւս մեկ անգամ ստուգելու կատարված աշխատանքները, ապա` պայթեցման թույլտվություն տալու: Կրկեսի գմբեթը պայթեցվելիս  օգտագործվել է նիտրոգլիցերին նյութը, որը տեղային պայթյուն է անում, ինչի շնորհիվ կողքի շենքերը, ապակիները չեն վնասվում:

Նշենք, որ ԱԻՆ-ը վերջերս է ստեղծել պայթեցնող խմբի ձեւավորմանը: Պայթեցնող խմբի ստեղծման անհրաժեշտությունը պայմանավորված էր ոչ պրոֆեսիոնալ ապամոնտաժումների ու պայթեցումների հետեւանքով արձանագրված մի քանի ողբերգական պատահարներով:

Ի դեպ, կրկեսի շենքը հիմնադրման օրվանից՝ 1962 թվականից հետո չի վերանորոգվել:

Հիշեցնենք, որ Մշակույթի նախարարության հովանու տակ գործող Պետական կրկեսի գույքը 2005թ գնահատվել է 408 մլն 821 հազար դրամ եւ օտարվել մրցույթով: Հայտ ներկայացրած Կրկեսի կոլեկտիվը` Սոս Պետրոսյանի գլխավորությամբ, 150 մլն դրամով սեփականաշնորհել է Երեւանի կրկեսը:

Լուսանկարները եւ տեսանյութը` քիչ անց

Լուրեր Հայաստանից - NEWS.am

Այս թեմայով

No Comment. «Արի տուն» ծրագրի պատանիներին ոստիկանները դուրս հանեցին շատրվաններից...

«Արի տուն» ծրագրի պատանիներին ոստիկանները դուրս հանեցին շատրվաններից

Նորակոչիկի հայրը նախարարին խնդրեց իր որդուն Ղարաբաղ ուղարկել ծառայելու

Նախարար Սեյրան Օհանյանը, լսելով այս խնդրանքը, առաջարկեց Արա Հարությունյանին ուղարկել Լեռնային Ղարաբաղի այն զորամաս, որտեղ ծառայում է Արայի եղբայրը...

Ճապոնիայում դպրոցականը հսկա սալամանդր է տեսել

Ըստ Բնության պահպանության միջազգային միության, այս տեսակն անհետացման վտանգի առջեւ է…

Անգլիկան եկեղեցին թույլատրել է կանանց եպիսկոպոս կարգվել

Անգլիկան եկեղեցու գերագույն մարմինը՝ գլխավոր Սինոդը վերջնականապես խրախուսել է կանացի եպիսկոպոսության...

Քալիֆորնիայում մրցել են սերֆեր շները

Յուրաքանչյուր անվանակարգի հաղթողները մրցանակ են ստացել...

Նովոսիբիրսկի լողափին փոթորիկը համաշխարհային հիթ է դարձել

Նովոսիբիրսկում տեղի ունեցած փոթորկի նկարահանումը դարձել է YouTube ինտերնետ ծառայության հիթը…