Խորհրդային ռազմական «Կոսմոս 903» սարքը, որն արձակվել է 1977 թվականին, Պլեսեցկի տիեզերակայանից, Երկրի վրա ընկնելու է օգոստոսի 3-ի մոտակայքում:
Նման կանխատեսումներ է արել ամերիկյան Տիեզերական տարածության վերահսկողության համակարգը: Այդ տվյալների համաձայն, ռազմական արբանյակն ընկնելու է Կալիֆորնիայի արեւմտյան շրջանում: Այս տեղեկությունը մշտապես ճշտվում է:
Միջազգային կատալոգում սարքի համարն է 1977-027А, իսկ չափսերը հասնում են 9 մետրի: RuNews24.ru-ի փոխանցմամբ, մթնոլորտի խիտ շերտեր մուտքը պետք է հանգեցնի «Կոսմոս 903»-ի ոչնչացման, ինչից հետո դրա առանձին հատվածներ ընկնելու են մեր մոլորակի վրա:
Հիշեցնենք, որ ավելի վաղ տեղեկություն էր տարածվել նաեւ օգոստոսին Երկրի վրա խորհրդային մեկ այլ արբանյակի՝ «Կոսմոս 1151»-ի ընկնելու մասին, որն ուղեծրում աշխատել է 34 տարի: