Տավուշի մարզի Չինարի գյուղի բնակիչ, այսօր՝ օգոստոսի 7-ին, գերեվարված 32-ամյա Կարեն Պետրոսյանը 1 տարի առաջ էր հայրենիք վերադարձել՝ ամուսնանալու նպատակով:
NEWS.am-ի հետ զրույցում չինարեցիները պատմեցին, որ Կարենն այսօր գնացել էր փայտ բերելու, որտեղից էլ անհետացել էր: Կարենի հիվանդ մայրը կատարվածի մասին դեռ ոչինչ չգիտի:
«Կարենի քույրն ու եղբայրը Ռուսաստանում են ապրում, ինքն էլ այստեղ մորն ու հորն էր պահում: Անշառ, խելոք տղա էր, ալկոհոլի նկատմամբ էլ առանձնապես սեր չի ունեցել»,- ասաց գյուղացիներից մեկը:
Կարենն փայտի էր գնացել անտառ ավանակով. կենդանուն արդեն գյուղ են բերել, իսկ Կարենի իրերը՝ կացինն ու կես շիշ ջուրն էլ ավանակի վրա:
Պաշտոնապես տեղեկատվություն չկա, թե ինչպես է Կարեն Պետրոսյանը հայտնվել Ադրբեջանում: