Հայաստանը կարող է եւ պետք է ավելի շատ սեղանի խաղող աճեցնի: Այդ մասին այսօր՝ օգոստոսի 22-ին, մամուլի ասուլիսի ժամանակ հայտարարեց Հայաստանի գյուղատնտեսության նախարար Սերգո Կարապետյանը՝ ամփոփելով Հովիկ Աբրահամյանի կառավարության կազմում իր աշխատանքի առաջին 100-րդ օրը: Նրա խոսքով՝ հանրապետությունում սեղանի խաղողի տունկը պետք է ավելացնել 5 հազար եւ ավելի հեկտարով:
«Սեղանի խաղողի առավելությունը մեր գյուղացիների համար դրա բարձր եկամտաբերությունն է: Սա հատկապես վերաբերում է վաղահաս տեսակներին, որոնք կարելի է իրացնել արդեն գարնան վերջին», - նշեց նախարարը:
եւ վերջապես, մեծ ակնկալիքներ կան ռուսական շուկայից: Հայաստանից ներկրվող ցանկացած ծավալի թարմ խաղողն արդեն իր պահանջարկը կգտնի, հավելեց նախարարը:
Նշենք, որ Հայաստանում խաղողի այգիների ընդհանուր մակերեսը 17 465 հա է, սակայն դրանց մեծ մասը կոնյակի հումք է: Թարմ սպառման համար նախատեսված է խաղողի մոտ 10 %-ը: