Իսլամիստ գրոհայինների խմբավորումը հայտարարել է Լիբիայի մայրաքաղաք Տրիպոլիում ԱՄՆ դեսպանատան շինությունների համալիրը վերահսկողության տակ վերցնելու մասին: Այս մասին հաղորդում է «Gazeta.ru»-ն՝ վկայակոչելով «Fox News»-ին:
Ըստ «Associated Press»-ի թղթակցի, ով դեպքի վայրում է եղել, դեսպանատան շենքի պատուհանները կոտրված են:
Հաղորդվում է նաեւ, որ համացանցում տարածված գրոհայինների հոլովակում երեւում է, որ անհայտ տղամարդիկ գտնվում են դեսպանատան բնակելի համալիրի տարածքում:
Հուլիսի 26-ին ԱՄՆ-ն որոշում էր կայացրել իրավիճակի վատթարացման պատճառով փակել դիվանագիտական ներկայացուցչությունը Տրիպոլիում՝ կապված քաղաքում գրոհայինների բախումների հետ: