Լիբիայի վարչապետ Աբդալլահ Աբդուռահման աթ-Թանին հայտարարել է, որ Քաթարը զենքով լի երեք օդանավ է ուղարկել Լիբիայի մայրաքաղաք Տրիպոլի, որը գտնվում է իսլամիստների վերահսկողության տակ, հաղորդում է «Ռոսբալտ»-ը՝ վկայակոչելով Reuters-ը:
«Ցավոք, օդանավերը հասել են Տրիպոլիի օդանավակայան»,-ասել է վարչապետը արաբական Sky News հեռուստաալիքին տված հարցազրույցում:
«Քաթարի կողմից Լիբիայի ներքին գործերին հետագայում եւս միջամտելու դեպքում՝ մենք կքննարկենք դիվանագիտական հարաբերությունները խզելու հարցը»,-ընդգծել է Լիբիայի վարչապետը:
