Ադրբեջանում գերության մեջ սպանված Կարեն Պետրոսյանի վերաբերյալ Մարդու իրավունքների գերագույն հանձնակատարին ուղարկված գրությունը ընդունվել է քննարկման: Այս մասին NEWS.am-ի թղթակցի հետ զրույցում ասաց ՄԻՊ խորհրդական Երանուհի Թումանյանցը:
Նա նշեց, որ իրենց հայտնել են, որ գրությունը ընդունվել է քննարկման, արդյունքների մասին կտեղեկացնեն: ՄԻՊ-ը դիմել էր ՄԱԿ-ի Մարդու իրավունքների գերագույն հանձնակատարին Կարեն Պետրոսյանի դիակի շուտափույթ հանձնման հարցով, ինչպես նաեւ, որ կանխարգելվի եւ բացառվի նման տարբերակը:
«Ատացվում է, որ անձը մեկ օր մնալով գերության մեջ, կարող է մահանալ եւ դիակի հանձնումը ձգձգվել մեկ ամսից էլ ավել ժամանակ: Դա խնդրահարույց է, քանի որ խոշտանգման փաստերը թաքցնելու լավագույն միջոցը եւ հնարավորությունը կարող է լինել
դրա համար դիակի շուտափույթ հանձնումը կարեւոր է, որպեսզի հասկանալ, որ մահը եղել է բնական, որեւէ խնդիր չկա խոշտանգման, մինչդեռ այսպիսի ձգձգումը կարող է կասկածի տեղիք տալ, որ իրականում եղել է խոշտանգման եւ բռնության դեպք, որի պատճառով էլ անձը մեկ օրից մահացել է»,-ասաց ՄԻՊ խորհրդականը:
Հիշեցնենք, որ 2014թ. սեպտեմբերի 10-ին Ադրբեջանում գերության ընթացքում սպանված Կարեն Պետրոսյանի ընտանիքը ներկայացնող աշխատանքային խումբը դիմել է Մարդու Իրավունքների Եվրոպական Դատարան (ՄԻԵԴ)` դատարանի կանոնագրքի 39-րդ կանոնի հիմքով խնդրելով ՄԻԵԴ միջամտությունը Կ. Պետրոսյանի դին անհապաղ եւ անվնաս վիճակում ընտանիքին վերադարձնելու նպատակով:
Նշենք, որ Տավուշի մարզի Չինարի գյուղի բնակիչ, 32-ամյա Կարեն Պետրոսյանին գերեւարել են օգոստոսի 7-ին, իսկ մեկ օր անց էլ ադրբեջանական կողմը տեղեկատվություն էր տարածել, որ հայ երիտասարդը «հանկարծակի» մահացել է «սուր սրտանոթային անբավարարությունից»: