Երբ ամերիկահայերն իրեց զայրույթն արտահայտեցին անցած գարնանը Քեսաբի ներխուժման հարցում Թուրքիայի ունեցած դերի փաստով, ԱՄՆ-ը միայն իր «մտահոգությունն» արտահայտեց հայերի եւ մնացյալ քրիստոնեական համայքների ճակատագրի շուրջ: Չնայած հայ համայնքի պնդումներին, որ Թուրքիան անմիջական մասնակցություն է ունեցել Ալ-Քաիդայի կողմից աջակցվող Ալ Նուսրա խմբավորման զինյալների կողմից Քեսաբի վրա հարձակմանը, ԱՄՆ-ի պետքարտուղարությունը ՆԱՏՕ-ի իր դաշնակցի գործողությունների գնահատական չտվեց:
Եվ այսօր, երբ կոալիցիայի կազմում Օբամայի վարչակազմը պայքար է մղում Ալ Նուսրայի զինյալների հիման վրա ձեւավորված «Իրաքում եւ Սիրիայում իսլամական պետություն» (ISIS) խմբավորման դեմ, Թուրքիան ամերիկացիներին մերժում է Incirlink ռազմաօդային բազան օգտագործելու հարցում եւ հերթական անգամ հրաժարվում ընդդեմ ISIS-ի կոալիցիա կազմելու առաջարկը:
Լոնդոնյան The Telegraph թերթը մեջբերում է Թուրքիայում ԱՄՆ-ի նախկին դեսպան Ֆրենսիս Ռիկարդոնեին, ով պնդում է, որ Թուրքիան ուղղակիորեն աջակցում է Ալ-Քաիդայի սիրիական թեւին եւ Սիրիայի տարածք ներխուժելու համար իր սահմաններին է տրամադրում զիինյալներին, հաղորդում է Asbarez.com-ը:
Wall Street Journal թերթը հրապարակել է հոդված, որտեղ մեջբերվում է Ռիկարդոնեի հայտարարությունը, որից հետո հոդվածի հեղինակը հանգում է այն մտքին, որ «ԱՄՆ-ն պետք է ավելի հարմար տարածաշրջանային դաշնակից գտնի ISIS-ի դեմ պայքարում»: Թերթը գրում է, որ ԱՄՆ-ն պետք է լրջորեն մտածի Իրաքի հյուսիսային քրդական տարածքներում իր ռազմաբազան տեղադրելու մասին: «Ամերիկան Անկարայում այլեւս ընկերներ չունի, սակայն դա չի նշանակում, որ մենք այլ դաշնակիցներ չունենք Արեւելյան Եվրոպայում», - գրում է Wall Street Journal-ը: