Իրանի արտգործնախարար Ջավադ Զարիֆը NPR ռադիոկայանի հետ զրույցում հայտարարել է, որ իր երկիրը պատրաստ է մեխանիզմ մշակել, որը կերաշխավորի, որ Թեհրանը երբեք միջուկային զենք չի ստեղծի:
«Մենք իրանի միջուկային ծրագրի դադարեցման մասին չենք խոսում, մենք խոսում ենք սահանափակումների մասին», - Զարիֆի խոսքերն է փոխանցում «ՌԻԱ Նովոստին»:
«Մեզ անհրաժեշտ է մեխանիզմներ ստեղծել, որոնք կերաշխավորեն, որ Իրանը երբեք միջուկային զենք չի ստեղծի: Մենք պատրաստ ենք գործարկել նման մեխանիզմներ: Եթե դուք ասում եք, որ Իրանը պետք է փակի հարստացման իր ծրագիրը, դա հնարավոր չէ, քանի որ հնարավոր չէ դադարեցնել գիտությամբ զբաղվելը: Անհնար է դադարեցնել տեխնոլոգիաների մշակմամբ զբաղվելը: Մենք դա արդեն կարողանում ենք: Այդ պատճառով ամենաճիշտ ելքը երաշխավորելն է, որ այդ տեխնոլոգիաները թափանցիկ են օգտագործվում՝ խաղաղ ծրագրի իրականացման համար», - հավելել է նախարարը:
Ավելի վաղ հաղորդվել էր, որ «վեցյակի» եւ Թեհրանի բանակցությունների հերթական փուլը կսկսվի սեպտեմբերի 19-ին Նյու Յորքում: