Դամասկոսի համալսարանում Սիրիայի առաջին տիկին Ասմա Ասադի հովանու ներքո Գիտական օլիմպիադաների ազգային կոմիտեն պարգեւներ է շնորհել գիտական հանձնաժողովների անդամներին եւ գիտության ոլորտում աչքի ընկած մի շարք դասախոսների եւ ուսանողների:
Պարգեւներ են ստացել 11 ուսանողներ, որոնք մեծ հաջողությունների են հասել 2014 թ. տարածաշրջանային եւ միջազգային մրցույթներում: Պարգեւատրվել են նաեւ 20 դասախոսներ, որոնք կենտրոնական գիտական հանձնաժողովների անդամներ են մաթեմատիկայի, ֆիզկայի, քիմիայի, տեղեկատվական տեխնոլոգիաների եւ բնական գիտությունների ոլորտներում, եւ 25 այլ անձինք, որոնք պարգեւներ են ստացել ուսուցիչների շրջանում անցկացված առաջին օլիմպիադայում:
2014 թ. սիրիացի ուսանողները մի քանի մրցանակ եւ մեդալներ են ստացել մաթեմատիկայի, քիմիայի, ֆիզիկայի միջազգային եւ տարածաշրջանային օլիմպիադաներում, փոխանցում է Սիրիայի պետական տեղեկատվական ՍԱՆԱ գործակալությունը:
