Բրիտանական Լիվերպուլ քաղաքի բնակիչները գիշերը բազմերանգ ՉԹՕ են նկատել: Բրիտանացիներն այնքան են շտապել տեսնել տարօրինակ օբյեկտը, որ միայն գիշերազգեստով փողոց են նետվել:
Ըստ FedPost-ի, առաջինն այն նկատել են 28-ամյա մի բրիտանուհի եւ նրա ամուսինը: Կնոջ խոսքով, գիշերային երկնքում հայտնված խորհրդավոր օբյեկտն անհավանական տեսք է ունեցել:
28-ամյա լիվերպուլցին ասել է, որ բազմերանգ ՉԹՕ-ի ի հայտ գալուն ականատես են եղել ոչ միայն ինքն ու իր ամուսինը. մի քանի րոպե անց փողոց են վազել նրանց հարեւանները: Կատարվածի մասին իր տպավորություններն է կիսել տարօրինակ երեւույթի եւս մեկ ականատես՝ Հիզեր Պրեսկոտը, ով սկզբում թռչող սարքը լապտերի հետ է շփոթել:
Mirror-ի լրագրողներն ընթերցողների ուշադրությանն են ներկայացրել 28-ամյա բրիտանուհու նկարահանած տեսանյութը: