Դոլարի փոխարժեքի թռիքաձեւ ավելացումը ԱՄՆ-ի հայերի համար Հայաստանի տները ավելի գրավիչ չի դարձնի: Այդ մասին այսօր՝ նոյեմբերի 26-ին, մամուլի ասուլիսի ժամանակ հայտարարեց Հայաստանի գործատուների միության գործադիր տնօրեն Գագիկ Մակարյանը: Նրա խոսքով՝ ձթեեւ դոլարի թանկացումը բարձրացրել է դրամային արտահայտությամբ դոլարային խնայողությունների գնողունակությունը, սակայն ԱՄՆ-ի հայերը հազիվ թե որոշեն օգտվել դրանից բնակարաններ գնելու համար:
«Ակցեռն» անշարժ գույքի կորպորացիայի ղեկավար Հակոբ Բաղդասարյանն, իր հերթին նշեց, որ դոլարային արտահայտությամբ բնակարանի գները չեն փոխվի: Այսպիսով, դոլարային խնայողություններ ունեցողները իրապես պոտենցիալ շահեկան իրավիճակում կհայտնվեն: Այդուհանդերձ, շուկայում չարժե ակտիվություն ակնկալել:
Գագիկ Մակարյանը հավելեց, որ ամերիկահայերը բաժանվում են երկու կատեգորիայի: Արեւմտահայերը ընդհանուր առմամբ հարաբերականորեն ունեւոր են, սակայն եւ շատ պահպանողական անշարժ գույք գնելու հարցում: Նոր միգրանտների շրջանում հայրենիքում բնակարան գնել ցանկացողները ավելի շատ են, իսկ եկամուտները՝ համեմատաբար քիչ: «Ամերիկյան ստանդարտներով նրանք գրեթե նույն կերպ են ապրում, ինչ որ միջին հայերը Հայաստանում», - եզրափակեց Մակարյանը: