Հայաստանում 5 ինովացիոն նախագծեր ամերիկյան CRDF կազմակերպությունից մինի-դրամաշնորհներ են ստացել: Հաղթողները որոշվել են դեկտեմբերի 4-ին, Երեւանում անցկացված STEP 2014 վենչուրային համաժողովի ընթացքում:
Գլխավոր մրցանակները՝ 15.000 դոլարի չափով, ստացել են Macquaponics-ի, SoloLearn-ի եւ Forkize-ի նախագծերը:
Երկրորդ մրցանակը՝ 7.500 դոլարի չափով, ստացել են Cyber Data Security-ի եւ atDent-ի նախագծերը:
Համաժողովը Հայաստանում անցկացվում է 2006 թվականից: Դրա նպատակը ինովացիոն նոր նախագծերի հայտնաբերումն ու խրախուսումն է: Հայաստանում համաժողովի անցկացմանն աջակցում են Ձեռնարկությունների ինկուբատոր հիմնադրամը (EIF) եւ Հայաստանի Էկոնոմիկայի նախարարությունը:
CRDF Global-ը միջազգային ոչ առեւտրային կազմակերպություն է, որի կենտրոնակայանն ԱՄՆ-ում է, եւ բաժանմունքներ ունի Ռուսաստանում, Ղազախստանում, Ուկրաինայում եւ Հորդանանում:
