Երկիր մոլորակի շուրջ տիեզերական աղբի վերահսկողության համար ռուսական սարքավորումները կմնան Հայաստանի Բյուրականի աստղադիտարանում: Այս մասին Հայաստանի կառավարությունը որոշում է կայացրել այսօր՝ դեկտեմբերի 25-ի իր նիստում:
ՀՀ էկոնոմիկայի նախարար Կարեն Ճշմարիտյանը պարզաբանել է, որ ավելի վաղ ժամանակավոր ներմուծում ռեժիմով Ռուսաստանից դիտողական մոդուլ էր բերվել: Հաշվի առնելով դիտարկման ծրագրի իրականացման հաջող ընթացքը, որոշվել է 3 տարով երկարաձգել սարքավորման ժամանակավոր ներմուծման ժամկետը:
Հիշեցնենք, որ դիտարկումն անցկացվում է Հայաստանի ԳԱԱ Բյուրականի աստղադիտարանի եւ Ռուսաստանի «Ռոսատոմ» գործակալության միջեւ ձեռքբերված պայմանավորվածության հիման վրա: Հետազոտվում են բնական եւ մարդածին օբյեկտները, մասնավորապես, տիեզերանավերի կտորների հետագծի շուրջ: