Մեծի Տանն Կիլիկիո կաթողիկոս Արամ Ա-ն Քեսաբի վեաբերյալ շրջանառվող լուրերից անմիջապես հետո կապ է հաստատել շրջանի պատասխանատու մարմինների հետ:
Ինչպես տեղեկանում ենք Սիրիայում լույս տեսնող «Գանձասար» թերթի ֆեյսբուքյան էջից, Քեսաբի Քեսապի շրջանի պատասխանատուները վստահեցրել են Նորին Սրբությանը, որ վերջին ժամերի լրատվամիջոցների տված տեղեկությունները չեն համապատասխանում իրականությանը եւ հաստատել են, որ Քեսաբում իրավիճակը հանդարտ է: Նրանք միաժամանակ հայտնել են, որ այնուամենայնիվ, սահմանի թուրքական կողմում զինյալներ կան:
Նկատի ունենալով, որ շրջանառվող սխալ լուրերը նաեւ մտահոգություն են պատճառել Քեսաբի բնակիչներին, պատասխանատու մարմիններն աշխատանք են տանում հանդարտացնելու կացությունը եւ կասեցնելու ստեղծված անտեղի խուճապը:
Վեհափառ Հայրապետն իր գնահատանքն է հայտնել Քեսաբի պատասխանատու մարմիններին` նրանց կատարած աչալուրջ աշխատանքի համար: Նորին Սրբությունը նաեւ կապ է հաստատել Բերիո հայոց թեմի առաջնորդ Գերշ. Տ. Շահան Արք. Սարգիսյանի հետ՝ քննարկելով Քեսաբի անցուդարձերը, փոխանցել հայրապետական օրհնություն սիրիահայությանը:
