Ռեակտիվ շարժման լաբորատորիան (JPL) Մարսի վրա օգտագործելու համար հետախուզող անօդաչու սարքի նախատիպ է մշակել եւ փորձարկել: Այս մասին հաղորդել է NASA-ն:
Մարսի մակերեւույթի վրա տեղաշարժվող հետախուզական սարքերի համար հիմնական դժվարությունը կայանում է նրանում, որ դրանց վրա տեղակայված տեսախցիկների տեսանելիությունը սահմանափակ է:
Մասնագետների գնահատմամբ, անօդաչու նոր սարքերը թույլ կտան երեք անգամ ավելացնել տարածությունը, որը Մարսի մեկ օրվա ընթացքում կարող են անցնել ռովերները:
Նման սխեմայով ուղղաթիռատիպ անօդաչու սարքը գրեթե ամեն օր կկարողանա թռչել մարսագնացի առջեւից՝ ստուգելով տեղանքի տարբեր կետեր, որոնք, հնարավոր է, հետաքրքրեն հետազոտողներին եւ մասնագետներին օգնեն Երկրի վրա հաշվարկել ռովերի տեղաշարժման լավագույն երթուղին: