Հայաստանն առաջին անգամ դիտարկվելու է Բռնությամբ անհետացումների հարցերով ՄԱԿ-ի կոմիտեի (ԲԱԿ) կողմից, որի նստաշրջանը նախատեսված է փետրվարի 2-ից 13-ը։
Կոմիտեն, որի կազմում մարդու իրավունքների հարցերով 10 անկախ միջազգային փորձագետներ են, դիտարկում է Բռնությամբ անհետացած բոլոր անձանց պաշտպանության մասին միջազգային կոնվենցիայի իրականացման ընթացքը։ Հայաստանը մեկն է 44 պետություններից, որոնք վավերացրել են Կոնվենցիան, եւ այդպիսով Կոմիտեի դիտարկման շրջանակներում զեկույց ներկայացնելու պարտավորություն ունի։
Կոմիտեն փետրվարի 3-ի ժամը 15:00-ից մինչեւ 18:00-ն (Երեւանի ժամանակով՝ 18:00-21:00) եւ փետրվարի 4-ի ժամը 10:00-ից մինչեւ 13:00-ն (13:00-16:00) կառուցողական երկխոսություն կվարի Հայաստանի կառավարության հետ։ Հանդիպումները տեղի կունենան Ժնեւի Վիլսոնի պալատում։
Հայաստանի զեկույցը եւ այն հարցերի ցանկը, որոնք հնարավոր է բարձրացվեն, հասանելի են այստեղ։ ԲԱԿ-ն այստեղ կհրապարակի Հայաստանի, ինչպես նաեւ փետրվարյան նստաշրջանի ընթացքում դիտարկվող մյուս երկու պետությունների՝ Մեքսիկայի եւ Սերբիայի վերաբերյալ իր եզրափակիչ դիտարկումները՝ փետրվարի 13-ին, ուրբաթ օրը։ Փետրվարի 13-ի ժամը 13։15-ին Ժնեւի Ազգերի պալատում նախատեսվում է մամուլի ասուլիս։