2022 թվականին դեպի Մարս ծրագրված ուղեւորությունը մի շարք խնդիրների հետ է կապված, որոնք գիտնականներն աստիճանաբար լուծում են: Հերթական խնդիրը, որը մասնագետները պետք է լուծեն, տիեզերագնացներին մթերքի պաշարով ապահովելն է: Գիտնականների գնահատմամբ, 3 տարի տեւող ուղեւորության համար 12 տոննա սննդամթերք անհրաժեշտ կլինի:
Նախապես ծրագրվում է սննդամթերքը պահել տիեզերանավի հատուկ հատվածում, սակայն հետո գիտնականները որոշել են, որ կարելի է հենց տեղում միրգ եւ բանջարեղեն աճեցնել: Արդյունքում հարկավոր չի լինի Կարմիր մոլորակ տոննաներով սննդամթերք փոխադրել: Սակայն մասնագետներն առայժմ չգիտեն, թե ինչպես են իրականացնելու իրենց գաղափարը:
Ամեն դեպքում, ըստ infroming-ի, հարցն արդեն քննարկվում է եւ 2030 թվականին մարսագնացներում հնարավոր կլինի հենց թռիչքի ժամանակ լոլիկ եւ վարունգ աճեցնել:
