Կանադայի բնակչուհի Ժուլիլին Վոնգը տորոնտոյի խանութներից մեկում հայտնաբերել է աստղագնաց Քրիստոֆեր Հեդֆիլդի՝ ՄՏԿ-35-ի հրամանատարի թռիչքային համազգեստը։ Ինչպես հայտնում է ABC News-ը, բժշկուհին պատմել է, թե համազգեստի թեւքի վրա եղել է աստղագնացի անունով թեւակարը։

Համազգեստը վաճառվել է 40 կանադական դոլար (ԱՄՆ 32 դոլար) արժեքով։ Վոնգի խոսքով, նա զարմացել է, որ կանադացի միակ աստղագնացի համազգեստը վաճառվում է խանութում։

Այն գնելուց հետո կինը Facebook-ով կապվել է Քրիստոֆեր Հեդֆիլդի հետ։ 55-ամյա աստղագնացը հաստատել է, որ համազգեստը պատկանել է իրեն, բայց չի կարողացել բացատրել դրա վաճառքի հանգամանքը։

Քրիստոֆեր Հեդֆիլդը առաջին կանադացին է, որը դուրս է եկել բաց տիեզերք։ Առաջին թռիչքը նա կատարել է 1995թ., իսկ կարիերան ավարտել է 2013թ.։