Եվրոպան երբեք չի հրաժարվի Հայաստանից: Այս մասին, այսօր՝ մարտի 23-ին, լրագրողների հետ հանդիպման ժամանակ հայտարարել է Հայաստանի գործատուների միության գործադիր տնօրեն Գագիկ Մակարյանը՝ մեկնաբանելով Հայաստանի եվրաինտեգրման հեռանկարները:
Նրա խոսքով՝ թեեւ 2014-ին Հայաստանում ԵՄ-ի ծրագրերի ծավալը մի փոքր նվազել է, սակայն դա ոչինչ չի նշանակում. այս տարվանից ԵՄ-ի հետ ակտիվ շփումները վերականգնվել են:
Նրա խոսքով՝ Հայաստանը միակ երկիրն է, որը կարող էփորձել ԵՄ-ում դրական կարծիք ստեղծել Ռուսաստանի մասին, այլ խոսքով, հանդես գալ որպես ԵՄ-ի եւ ԵՏՄ-ի շփման հարթակ:
«Մեծ է Հայաստանի նշանակությունը որպես դարպաս դեպի Մերձավոր Արեւելք, ինչը շատ կարեւոր է եւ Եվրոպայի, եւ ԱՄՆ-ի եւ Ռուսաստանի համար: Այդ առավելությունները պետք է խելացի ձեւով օգտագործել»,-ասել է Մակարյանը: