Ռուս տիեզերագնաց Գենադի Պադալկան ապրիլի 30-ի գիշերը լուսանկարել է կայանից 170 կմ ցածր հեռավորության վրա թռչող «ՊրոգրեսՄ-27Մ» բեռնատար տիեզերանավը եւ լուսանկարները տրամադրել է թռիչքների կառավարման կենտրոն։
«Ցավոք, նրանց որակը բավարար չէ։ Դա թույլ չի տալիս գնահատել արտաքին վնասվածքները»,- հայտարարել է կենտրոնի ներկայացուցիչը «Ինտերֆաքս»-ին։
Միջազգային տիեզերական կայանից «Պրոգրես» տիեզերանավը նկարահանման աշխատանքները կշարունակվեն, քանի որ դրանք կարող են մասնագետներին օգնել պարզել, թե կոնկրետ ինչ է տեղի ունեցել նավի եւ «Սույուզ» հրթիռի երրորդ աստիճանի առանձնացման պահին։
«Պրոգրես» տիեզերանավը ուղեծիր էր դուրս եկել ապրիլի 28-ին, սակայն գործարկումից քիչ անց մասնագետները կորցրել էին տիեզերանավից հեռուստաչափական տեղեկություն ստանալու հնարավորությունը։ Այս պահին տիեզերական բեռնատարը անկառավարելի կերպով դուրս է գալիս ուղեծրից։
