Իլոն Մասկի SpaceX ընկերությունը Dragon V2 տիեզերանավի փորձարկման տեսանյութ է հրապարակել: Ինժեներները մշակել են մեկնարկից հետո թռիչքի վթարային դադարեցումն ու աստղագնացների փրկության համակարգը:

Dragon V2-ը մեկնարկել է Կանավերալի հրվանդանի ռազմաօդային ուժերի բազայից, Falcon 9 հրթիռակրի վերին հատվածը նմանակող տաղավարից: Ի տարբերություն «քաշող» համակարգի, որն օգտագործվում է «Ապոլոն» եւ «Սոյուզ» տիեզերանավերում, արտակարգ իրավիճակներում եւ աղետի ենթարկված հրթիռակրի անջատման համար Dragon V2-ը սեփական SuperDraco շարժիչներն է օգտագործում:

Ըստ Lenta-ի, փորձարկման ընթացքում բոլոր 8 շարժիչներն աշխատել են 5.5 վայրկյան, այնուհետեւ, 1187 մետր բարձրության հասնելուց հետո, բեռնախցիկն անջակվել է, եւս մի քանի վայրկյան անց հաջողությամբ արձակվել են արգելակման եւ հիմնական պարաշյուտները: Մասկի խոսքով, եթե տիեզերանավում մարդիկ լինեին, իրենց հրաշալի կզգային: