Երեւանում բողոքի ցույցեր անցկացնող «Ոչ թալանին» նախաձեռնությունը ապաքաղաքական է։ Այս մասին գրում է լեհական Gazeta Wyborcza պարբերականը՝ անդրադառնալով էլեկտրաէներգիայի սակագնի բարձրացման դեմ ընթացող ցույցերին։
«Ուրբաթ օրվանից ցույցի դուրս եկած ցուցարարները կազմակերպվում են «Ոչ թալանին» շարժման ապաքաղաքական խմբի կողմից։ Ցուցարարները Սերժ Սարգսյանի իշխանություններին մեղադրում են այն բանում, որ սակագնի բարձրացումը իրենց աղքատության դուռն է տանում։ Հունիսի 17-ի որոշմամբ Հայաստանում օգոստոսի 1-ից էլեկտրաէներգիայի սակագինը բարձրանալու է մոտ 16 տոկոսով»,- նշում է թերթը։