Լիբանանի բանակը Սիրիայի հետ սահմանակից Էրսալի շրջանում մարտի է բռնվել ահաբեկիչների զինված ջոկատի հետ։ Այս մասին հայտնում է «ՌԻԱ Նովոստի»-ն՝ վկայակոչելով լիբանանյան բանակի մամուլի ծառայությունը։
«Այսօր գիշերը բանակը մարտի է բռնվել գրոհայինների հետ Էրսալի շրջանում։ Խումբը փորձել է լեռնային տարածքից ներթափանցել սահմանից 12 կմ հեռավորության վրա գտնվող Էրսալի բնակավայրերը»,-ասված է հայտարարության մեջ։
Մարտերի արդյունքում սպանվել է 2 ահաբեկիչ։
Էրսալի լեռնային շրջանը եւ հենց քաղաքը այս պահին գրեթե ամբողջովին գտնվում է «Ջաբհաթ ան Նուսրա» ահաբեկչական խմբավորման հսկողության տակ։