Տրիպոլիում Մուամար Քադաֆիի ռեժիմի ներկայացուցիչների դեմ դատական գործընթացն ընթացել է առանց արդար դատարանի միջազգային չափանիշների պահպանման եւ բազմաթիվ իրավախախտումներով։ Այս մասին «ՌԻԱ Նովոստի»-ին հայտարարել է Մարդու իրավունքների հարցերով ՄԱԿ գերագույն հանձնակատարի վարչության մամուլի խոսնակ Ռավինա Շամդասանին։
Հուլիսի 28-ին Տրիպոլիի քրեական դատարանը վերջնական մահապատժի վճիռ էր կայացրել Մուամար Քադաֆիի ռեժիմի 8 ներկայացուցիչների, որոնց թվում՝ նրա որդու՝ Սեյֆ ալ Իսլամի համար։ Մահապատժի ենթարկվածների թվում են նաեւ նախկին վարչապետ Ալ Բաղդադի ալ Մահմուդին եւ Լիբիայի հետախուզության ղեկավար Աբդալլահ աս Սինուսին։
«Մենք հանգամանորեն հետեւել ենք նրանց դեմ ընթացող դատական գործընթացին եւ հայտնաբերել ենք, որ արդար դատարանի միջազգային չափանիշները չեն պահպանվել։ Թերացումների թվում առանցքայինն այն է, որ դատարանն ի վիճակի չի եղել պարզել կոնկրետ հանցանքի մեջ կոնկրետ մեղադրյալի անհատական պատասխանատվությունը։ Ինչպես նաեւ լուրջ խնդիրներ են եղել փաստաբաններ տրամադրելու հետ»,- ասել է նա։
