«Ոտքի՛, Հայաստան» նախաձեռնության անդամներին ոստիկանությունը այսօր՝ հուլիսի 30-ին, թույլ չտվեց նստել Կառավարության շենքի աստիճաններին:
NEWS.am-ի թղթակիցը հաղորդում է, որ ոստիկաններն ակտիվիստներին ուժով հեռացրին աստիճաններից՝ պատճառաբանելով, որ այնտեղ նստելն անօրինական է։
Մինչդեռ նախաձեռնության անդամների ոսքով` ոչ թե աստիճաններին նստելն է անօրինական, այլ իրենց այնտեղից հեռացնելը։
«Օրվա ընթացքում տասնյակ պարսիկներ գալիս, նստում են աստիճաններին, ուտում, խմում են: Դա օրինական է, մեր այստեղ նստելը` ո՞չ»,- ասացին ակտիվիստները, որոնք արդեն 4-րդ օրը փորձում են նստացույց սկսել Հանրապետության հրապարակի կենտրոնում։
Նշենք, որ այդ ընթացքում նախաձեռնության խորհրդի անդամ Դավիթ Սանասարյանը եւս մեկ անգամ կարողացավ ճեղքել ոստիկանական պատը եւ հասնել Հանրապետության հրապարակի «գորգին», սակայն ոստիկանները նրան կրկին գրկելով դուրս բերեցին մայթ:
Երեւանի փոխոստիկանապետ Վալերի Օսիպյանը Դավիթ Սանասարյանի հիշեցրեց նրա մեջքի վնասվածքի մասին. «Դավիթ Սանասարյան, բա որ կտրուկ շարժումներ ես անում, մեջքդ չի ցավու՞մ»:
Հիշեցնենք, որ «Ոտքի՛, Հայաստան» նախաձեռնության հայտարարած 72 ժամը յսօր լրանում է, սակայն ակտիվիստները շարւնակում են մնալ Հանրապետության հրապարակում, քանի դեռ չեն հասել իրենց նպատակին եւ նստացույց չեն արել հրապարակի կենտրոնում` «գորգին»։ Նրանց շարունակում են հսկել մեծ թվով ոստիկաններ:
Հիշեցնենք, որ «Ոտքի՛, Հայաստան» շարժումը պահանջում է չեղարկել էլեկտաէներգիան թանկացնելու ՀԾԿՀ որոշումը։