Միջազգային աստղագիտական միության Աստղագիտության զարգացման գրասենյակը նոր կոորդինացիոն բաժիններ է հիմնադրել Հայաստանում, Կոլումբիայում, Հորդանանում, Նիգերիայում եւ Պորտուգալիայում:
Նոր երկրների հետ գործընկերությունը կազմակերպության տասնամյա ռազմավարական պլանի մասն է կազմում, որն ուղղված է աստղագիտության հասարակական շահի իրացմանը, ասված է Միության կայքում:
Համաձայնագիրը ստորագրվել է Հոնոլուլուում Կազմակերպության Գերագույն համաժողովի ընթացքում:
Հինգ նոր գրասենյակ երկու կարեւոր գործառույթ կիրականացնի. շրջանային բաժանմունքները կկորդինացնեն գործունեությունը հարեւան երկրներում աստղագիտության զարգացման ոլորտում, մինչդեռ լեզվական փորձագիտական կենտրոնները կզբաղվեն լեզվական եւ մշակութային կողմերով:
Հարավ-արեւմտաասիական շրջանային գրասենյակ կբացվի Հայաստանում` Բյուրականի աստղադիտարանին կից: