«Ժառանգություն» կուսակցությունը հրաժարվել է հանդիպել Սերժ Սարգսյանի հետ՝ քննարկելու Սահմանադրական բարեփոխումներին վերաբերող հարցեր: Այս մասին NEWS.am-ի թղթակցին ասաց կուսակցության փոխնախագահ Արմեն Մարտիրոսյանը՝ նշելով, որ այդ որոշումը կայացվել է վարչության նիստի ժամանակ:
«Մենք մերժում ենք Սերժ Սարգսյանի հրավերը, քանի որ մեր առաջարկները չեն ընդունվել»,- ասաց նա:
Նշենք, որ Հանրապետության նախագահ Սերժ Սարգսյանը օգոստոսի 26-ին սկսել է քաղաքական խորհդրակցությունները քաղաքական ուժերի հետ՝ կապված Սահմանադրական բարեփոխումների հետ: Նախագահն արդեն հանդիպել է ԲՀԿ, ՀՅԴ եւ ՕԵԿ ներկայացուցիչների հետ:
Ավելի վաղ հայտնել էինք, որ Սահմանադրության նոր նախագիծն արդեն ուղարկվել է Ազգային ժողով: Սպասվում է, որ աշնանային նստաշրջանի առաջին քառօրյայում կսկսվեն քննարկումները: ԱԺ նախագահի խոսքով՝ աշնան վերջին արդեն նախատեսվում է հանրաքվեն:
